Algemene Vrae
Wat is ons ure?
Ons halfdag ure is 07:00 – 14:00.
Ons voldag ure is 07:00 – 17:00.
Is ons vakansies oop?
Linden Akademie volg die Departement van Onderwys se skoolkalender. Ons is skoolvakansies gesluit, maar vakansieskool is wel teen ’n ekstra fooi beskikbaar.
Aan watter ouderdomsgroepe voorsien ons?
Die kleuters begin by ons as hulle om en by 18 maande oud is tot 6 jaar oud. Ons bied ook Graad R aan.
Verskaf ons kos en peuselhappies?
Ouers voorsien self die kleuters se kossies d.m.v. ’n gesonde kosblik.
Hoe monitor ons die kleuters se vordering?
In Maart gee ons ’n Aanpassingsverslag aan die ouers. Junie en Desember word die ouers van ’n volledige Vorderingsverslag voorsien. Daar sal ook tussendeur gesprekke met ouers gevoer word indien daar sekere aspekte van die kleuters se vordering is, wat aandag geniet.
Wat gebeur as my kind by die skool siek raak?
Die juffrou sal julle dadelik kontak indien die kleuters siek raak of koors het.
Dien julle medikasie aan die kleuters toe?
Medikasie word slegs toegedien ingeval van hoë koors of indien die kleuter ’n allergiese reaksie toon. Dit word slegs gedoen indien die ouers skriftelik toestemming gee. Alle toediening van medikasie word in ’n spesiale register aangeteken.
Moet my kind by die huis bly as hy/sy siek is?
Wanneer kleuters antibiotika drink moet hulle vir die eerste 48 uur by die huis bly.
Kleuters moet ook by die huis bly indien hulle enige van die volgende siektes/simptome het:
- Koors bo 37.4
- Diaree
- Braak
- Boonste lugweginfeksie
- Brongitis / Longontsteking
- Seer keel met opgeswelde kliere
- Enige ooginfeksie
- Kindersiektes
- Kopluise of nete in die hare
Wat gebeur as my kind by die skool beseer raak?
Alle personeel het noodhulpopleiding en sal toepaslike sorg bied. Ernstige gevalle word in die insidenteboek aangeteken en die ouers word ingelig.
Watter ekstra aktiwiteite sluit die skoolfonds is?
4 jaar – Robotika
5 jaar – Robotika, Experi-Maatjies, Lego
6 jaar – Robotika, Mini-Skaak, Blokfluit, Lego
Op Vrydae is daar betaalde buitemuurs nl. Rugga Kids en Sporty Girl.
Hoe pas ons dissipline toe?
By Linden Akademie glo ons in positiewe dissipline wat deur liefde toegepas word. Ons volg ook ‘n gestruktureerde dagprogram, wat ‘n vaste roetine verseker, en die kleuters geborge laat voel.
Wat is ons taalbeleid?
Linden Akademie se medium van onderrig is Afrikaans.
